Although mi ah laugh dem tings yah real…..but fadda God..lol…de damn idiot, bout him ah boast sey him tie de ooman, fore him shame fi admit ah ting like dat…people who fah side oonu deh pon?? come man mek we discuss this seriously man….no joke!!..Me Obara Meji de pon de DUPPY SIDE… who fah side oonu deh pon mi sey!!!…..haunt him rass yes!!..brite an howt ah orda!!! dwlll!!!!! Haunt him duppy haunt him!!!!!!!!!!!!!!!. HAUNT HIM!!!! Duppy gal mi deh pon yuh side!!!….afta all…dis man mess wid yuh destiny and hold yuh back, now yuh dead, and him a fret!!!…fus ting yuh fi do duppy gal ah kill him H*^D!!!.tun him inna de gal him is. Den mek him walk and moo like cow, like de one a Clarendon who did tief de Obeah ooman Miss Myrie one cow, har prize possession whey feed she an har pickney dem, mi sey Miss Myrie, (ah she tell mi dis har self, and ah true caws people know de bwoy and see him all de time ah walk and ah moo), puddung a peice oh Obeah affa him, to tiddeh day de bwoy ah walk and ah sey “MOO!, MOO,! MOO” (lika cow)…”Ah me tief Miss Myrie Cow“!!!. Him have him time when him nawmal enuh, but aneedda time when him walk round and Moo!!, mi cyaan laugh caws mi nuh support dem tings, even doah him shudden tief de ooman cow, and regardless ah what de fake christian tink bout me, Obara Meji, Lucifer Wife, mi sey leff it to God….but even Satan was obedient to God (memba God did tell him nuffi kill Job and he did not)..so me de wife must follow suit!!…lol!!…. Poor Satan..evver the fall guy for wicked peoples deeds!!!. Haunt him mi sey!!
WOMAN’S DUPPY FOLLOWS LOVER – Relatives say obeah used to tie her!!