Yazzy, ah yuh mek mi do dem mad tings here enuh, ah yuh!! aldoe mi madda use to sey de same ting tuh,but yuh comment mek mi memba. Any way people, here I am with my poem in Jamaican dialect (patois). Is Yazzy mek ah dweet!
Please bloggers, make up your own poem but it has to include”Afta mi nuh owe de laurence” and let us enjoy today!
Mine yuh fling yuh duttie wata an mek it ketch mi
From wha day yah mi notice sey yuh waan tek set pon mi
choo ah tenement yawd we live inna yuh tink yuh can beat mi?
tink agen Puncie, afta mi nuh owe de laurence!
nuh duppy nah falla back ah mi!
Pinky run whey wid mi pardna draw and all nung we cyaan fine him
sumaddy pinch mi tell mi sey Pinky tun into ah proppa shim
de mount ah dress and frock mi hear him buy wid eeh
all rouge, slip, brazzaire and panty
Pinky wicked ei nuh man, all teef from Cami
teeff my money, no man!, my money Pinky?
but wait man, wait, ah deh look fi him
tell God sey Pinky cyaan get whey wid eeh
Afta mi nuh owe de laurence!
Pinky, ah gwine beat yuh ei si!!
my money Pinky? Pinky yuh cyann romp wid mi!
Ty send some sweet soap come from farrin, sen geet to mi
Hilda Willis niece Janet bright an guh teef out eeh
daah deh gal deh neva bade from she come live roun we
Miss Ruth see de teefings and run come pinch mi tell mi
ah gwine pop har rass, and sen har uppa U-C (de hospital)
tink ah chat mi ah chat?
Afta mi nuh owe de Laurence!
Miss Will gwine bawl fi she!
Afta mi nuh owe de laurence, mi nuh owe him, mi an him neva hab nuh plan
nuh rain nah come wash whey mi room, nor flood whey mi lan
No fire nah bun mi out, nor dranco drive whey mi van
de laurence nuh hab nuh secret fi mi, nor nuh odda obeah man
de man whey me hab ah fi mi own, mi neva tek him from no one
tek oonuh mout offa mi, from mi bawn mi neva visit obeah man!!
Puncie mine how yuh ah talk ei nuh, yuh mout too saucy
Yuh come een like yuh know bout, Puncie yuh hab secret fi mi?
Clear out gal, mine ah pawn singting lick yuh dung
alright galang chat, yuh bed soon tun stone grung!
Oonu tek mi simple and tek mi fi fool!
oonuh mek ah sad mistake, caws ah oonuh fool fool
Mi nuh owe de laurence, caws mi pay him in full
fi box dung yuh rass an haul an pull yuh like mule
Yes, yes, yes, mek ah beat up mi chess
Mi nuh owe obeah man, dem local one yah weak dem nuh strong
mi wuk hard and sen off mi money to de bess
L.W. de Laurence, no bwoy can tess!
L.W. de Laurence, mi nuh owe him fi true
mi pay him mi hard earn money, fi box yuh till yuh blue
ah me mek de teefing bwoy from back road cyaan stop sey “MOO!
him teef mi cow Blosoom, den look pon mi de next mawnin an tell mi howdy do!
De laurence really come choo
ah sen mi money gi him, han from dat de bwoy deh Moo
it sweet mi, it sweet mi it, sweet mi so tell
a mi pay de laurence fi him run whey Muriel
bout she want eggs up har self to mi Trevor
she rub up har self pon him, an me fi tek dat?, no sah!
whey she did deh when him nay hab een no teet
de one dem inna him mout, ah me pay fi it
Bright she bright an outta orda too
mi nuh owe de laurence mi pay him, ah de choot
Big man gone ah prison choo him box mi bwoy
mi wuk mi money send off,
de laurence is no toy
oonu memba how de police hold big man an box him de day
de laurence mek ah enjoy mi money when ah see dem haul him away
yes man, mi nuh owe de laurence, mi pay mi money all de while
oonuh galang chat up oonuh mout, oonuh tink money cyaan spoil?!!
oonuh hear people sey afta mi nuh owe de laurence all de while
yuh fenneh if yuh owe him, but when pay him, yuh wi smile!
Like Yazzy granny Faye whey always ah bawl out
Afta mi nuh owe de laurence!, mi pinch mi self an smile
caws Yazzy, yuh granny know bout
she patronize de laurence all de while!
She borrow mi money an send guh gi de laurence fi pop dung Suzie shop
yuh tink ah just so Suzie lose har business Yazzy?, ah yuh granny do dat!
de laurence, de laurence, de laurence yuh bad nuh brute foot
Papa de Laurence, mi sen off again fi yuh gi Gerti Gut!
Nyam tuh much!
Arlene, Pearlene and Meggy soon
mi gi dem dinna and dem teef whey de whole ah mi spoon
mi ah do ova time ah work Pappa Larry fi mek up de money sen to yuh
de one Nunu nyam off de mutton an show off pon mi wid it tuh
soon soon de laurance ah gwine mek yuh tek care ah she
Obeah dem all yes, mi nah ramp wid dem ah inch
de Laurence mi daddy, nuh tek money fi obeah mi enuh
memba me an you ah fren!
not you an dem!
ALL AND EVERYTHING POSTED/WRITTEN HERE ON THIS BLOG SITE IS COPYRIGHTED!!
OONUH DOAN ROMP WID ME, AH AVE MI LEGAL TEAM AND DE LAURENCE!
Afta mi nuh owe de Laurence…..Jamaican Proverb
(I am not involved with obeah doings)
All religions are valid as long as it teaches peace and love….ObaraMeji
There are no disappointments in life, only lessons learned…..Obara Meji
Deprecated: Function bp_core_get_user_domain is deprecated since version 12.0.0! Use bp_members_get_user_url() instead. in /www/embracingspirituality_349/public/wp-includes/functions.php on line 6031
https://youtu.be/1mAJd35zVHg
Di nex smaddy mi a look fi war A da big ooman deh weh drive di ole car She try mi granny Faye one long loooong time Fi she mi wi gi De Laurence all a mi dime She tink a shit dats why she bizniz tink a road Di streets a chat seh pan she chess di white farin man a tek a load Nassy mout and nassy chess Suzie a really me ya try war??? Yuh need fi tek a load affa yuh chess and guh buy a new car! Big ooman Lila u a drive Ladda?? No… Read more »
This was fun lolol, Thank you Obara fi start the ball a rolling! An thanks to Yazzy fi seh, “afta mi nuh owe D Laurence”. Di poem nice cyaan done!
Lawd Gawd Yazzy! Mi neva wan’ fi seh di name but gyal yuh right a nassy skettel Linda fi blame! Di same one weh yuh an Ty ketch an beat! Mi hear seh unda she smell like rotten meat! Mi wi help yuh move di mattrass an bun di sheet Ty can bring ‘Bitch’ an watch out fi yuh Cause a one pieca beaten an limb up Linda deh get tuh Mi wi ask Toy fi drive di get away car Causen when dis yah done wi haffi lay low wi cyaan par But den wi can mek up an… Read more »
Yes mi mawd Chargie Nunu, a stawt di war stawt yes Dat ole crobate Linda shall be put to res’ But a who dis nassy ole gyal a try tes’?? Afta mi nuh owe De Laurence suh mek da gyal de still alive??? Mi bringle suh till mi kaint chat like Enid, Maniac, plz pas’ mi knive! A war she want … Linda mek it stawt! Mi have backitive! Watch mi ES Obeah ppl dem and yuh kakaclaat! Ashes to ashes and dus’ to dus’ Mek undaneet Linda crotches ‘rus! Seeit deh now she get iron ole What is a… Read more »
Linda somewhere deh hide yah now lololol
Nunu raaaeeeee!! You and Obara killed it! I sooo missed the fun I was stuck working… But mi deh try fi ketch up! I’m having such a blast. We should all do this more often… Improvs. Love it
Mi dis get fi read ooooo!! OBARA yuh ting a shat wehhh!! Wukmentz tun up unda mi kakerclaartz! Mi dis leff!!! Nunu babygirl yuh renkin mutton stew is are di henvy of di town!!! Raeeeeee! Cami sweetie have a blast in the arms of the one ya love!! Den drag yuh goodaz badi home! Hear ya nung!! But a wah dis fadda?? AFTA MI NUH OWE DE. LAURENCE!! By Yazzy!!!!!! Mi dash all sorta Obeah pan di gyal! ’bout she a falla kartel and a **ride pan di *****cy lakka bicycle!** a bet afta De Laurence done wid IT she… Read more »
Yazzy lololol
Lawd mi feel like Docta Seuss lol
Mi seh mi nuh like chat nuff ie nuh but mi haffi pap dah torey yah,cause mi hear seh a suh it guh Suh mek mi whispa an tell you Mi hear seh di res’ a ES Crew nah come chue Causen di whole a dem owe D Laurence too Di one Yazzy she, did try guh D Laurence fi me! Afta mi tell har seh shi can tek back Mad Milk cause now him free (Yazzy mi an yuh a fren man lawd mah, a likkle joke mi a mek) Kia ketch uppa Prisoner yawd an wid di bullfrog,… Read more »
Good day Obara and family!
Good evening Maniac and Toy! Toy nuh falla backa dat gyal Gela try nuh mix up wid har needa! A borrow shi deh try borrow money fram yuh Fi min’ di two man dem, Yes a dat shi wan’ duh! Afta yuh nuh owe D Laurence Toy! Tell har agen Cause when blow sen’ fi har a you shi guh wan’ heng And tell di people dem seh shi neva know seh a dem man Cause di one Toy did encourage har an tell har fi galang Yuh si how di gyal lie! A you Toy shi guh wan’ mek… Read more »
lmao omg! nunu you have me weak. Lmao
Mi get a call from this gyal name Gela
tell mi bout gyal teef har money
she sey gyal buy new car wid har money
she sey di gyal that teef har money don’t have one but two man a flip har money.
Gela wan know if mi cyann believe that
Mi sey afta mi nuh owe De Laurence not dime, nor penny…..
No sah! I deh read an ah laaf; caw chuss mi, Nunu an Obara is one set ah mad rawse!!!
Oonu is too much. Dwl
top deh Nunu, top de to rass hold on deh Nunu come yah mi waan fass yuh witness Myrkle ah lay dozen egg? fadda God if mi did si dat fright ooda narly mek mi ded Yes one earz Nyammy love bring news fi choo Trevor tump out him front teet demand beat him whey day till him blue ah him an drunkin Fred did siddung ah chat mi an mi fren sey mi pay de laurence fi kil off de whole ah dem yuh si de Fred him how briggle tek set pon him mout cawn some ooman stomach… Read more »
Yuh know seh dat one earz nyammy is a dutty rass! Mi cyaan tek di ole liad, him love fi faas A him fuss get plate full a di mutton if mi eva did know him woulda neva get nutten Achoo him love excitement him run guh tell drunkin’ Fred An know seh carry news coulda get mi ded All di Fred him wah Nyaamy cyaa come Tan a di pawty an drink out di rum Talking bout Myrkle a nuh ongle cluck shi cluck When mi si wha happen mi frighten nuh fu@k ( lololol,ask pardon) Mi tek mi… Read more »
hey Queenie!
Good afternoon my dears! Look like obara and nuns tun dj pon we inna di satdeh! I would love to hear this poem in spoken word, we haffi set it up and put it pon uchube lol. Unnu ah gwan!
Lolol Sea Queen a di singjay teach mi ie nuh! When mi settle down mi come back
Nunu slim gi yuh mi money an yuh kip party wdi it? yuh si da slim gal deh, ah have ah flat board, fi gi har some lick supposen Trevor did know sey mi did ah meet de Chiney bwoy some beaten him ooda gi mi, and sey me ah tek him fi toy De sinting bun mi Nunu yuh si but nuh worry man, him head chop off and mi feel good bout it Is ah good ting yuh beg mi enuh Nunu, mi just get de news caws ah up ah yuh yard mi deh come fi teef… Read more »
Nunuuuuuuuuuu, LMAOOOOOOOOOOOO, YUH BAD NUH BRUTE FOOT!!!!…..OK WATCH ME YAH NUNG!
Lawd have mercy pon mi soul! Mek mi guh tun mi roll unoo know seh a dutty Go-go Slim Mek mi get ketch up inna dis D Laurence ting But it look like seh mi owe D Laurence afta all Jeezam Peez fretration a mek mi bawl Mi neva know seh pieca di Chrismus money Slim gi mi, a di Chiney man shi get ie fram Shi seh afta hours him like get push inna baby pram(paraphilic infantilism) Mi did frighten when shi show mi di heapa money( apparently infantilism pays well, wid Obara promise money lol) Shi gi ni… Read more »
some body do the rest for Charles, please the internet is giving problems on my side
Hey Charles, “After” really is After…but in regards to our dialect, I did not do this or that after all,when Afta is used in this context it is a declaration of innocence
let me break it down for you, I am coming
Good afternoon Teach and all ES CREWS. Teach what is Afta? I dont know how to compose the poem.
Di chiney man from Lucea, ah mi did do dat tuh Nunu di bugga promise mi money, memba mi did pinch an tell oonuh well de day mi ketch ah road, sey mi ah guh meet up wid him as mi reach ah top hill, mi si him up deh wid Go-go Slim yuh know de mawga gal whey dance ah de go go? yes de brown one man, whey use to teef mango ah bex, ah bex, ah bex so till if yuh cut mi yuh oodden si blood so mi draw one side ah bush an set mi… Read more »
Arite nuh badda bring Delroy inna dis Cause yuh know when him stawt sing not one note aguh miss but sake a yuh, him cyaan get fi res’ him chraot a it mek mi an him fallout chue yuh nuh owe D Laurence him always haffi git up deh roam bout Yuh know seh dats why Meggy misn di leg shi owe D Laurence an haffi deh walk pon peg Mek mi tap chat yah mi nuh able fi yuh, Since di pawdna teef an di torey leak Mi nuh have nutten fi pay D Laurence dis week Mi nuh… Read more »
Cami ooooooooooooooooooooooooo, we miss you, we love you !!!!
Mi haffi guh road, mi wi check in later
Nunu yuh ah tek show off bout yuh gi duppy plate an ah bawl dung Jesus blood pon mi, Nunu mi an yuh ah mate? de duppy dream mi tell mi sey yuh cyann cook him ongle nyam de plate ah food, choo him did ah look ah lickle jook Jesus blood must tiad nung, ah ongle wickid people nuh stop ware it dung de poor man nuh owe de laurence, oonuh come offa him him guh pon cross guh dead fi oonuh same one sin if him did alive today, ah oodda help him find de laurence ah mek… Read more »
NuNu! yu a fling lyrics! lololol…next week or inna the week me review all that me miss, but you reach back a yu yaard so you back to yu elements…good, lol
Cami, mawnin, mi glad fi si yuh!
Cami I miss you!
Bap, bap bap bap!!!!!!!!!!!!!!!!!!!!!!!!!!!!!!!!!!!!!!!!!!!!!!!! LMAOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO!!!!!!!…..NUNU YUH SHEL DUNG DE PLACE!!!, LMAOOOOOOOOO, GUH DEH NUNU !!!!!!!!!!!!!!!!!!!!!!!!!!!!!!!!! GRUNG AND DEDMENTS IN YAH ODDEH, AH WHEY TY DEH OOOOOOO!
Lolololol! Unoo is a set a really mad people, now mi convince. Mi tuh wan’ hrar why di ES Crew members nuh owe D Laurence, lol, mi deh yah fi di torey dem
Lolol Obara mi nuh bad lika yuh backa di poem business but mi try, mi juh reach fi yuh an Yazzy level a madniss yet
Mi nyam di mutton yes And it did sweet ie si! Suh nuh badda tink yuh can tek badmine and carry feelings fi mi Afta mi nuh owe D Laurence! Mi nah secret wid ie Di duppy get him plate an a glass a sarrel But anyways mi want hear more bout Pinky and Cami teef barrel, Til D Laurence money reach di blood a Jeezas pon Pinky bleach! A dat yuh fi talk to D Laurence bout Cause him need more dan bax inna him mout But mi nah faas inna no baddi businiz A nuh duppy mi fraida… Read more »
Pull up! Watch Nunu! lol lol
Mawnin Nunu and Yazzy, si one nedda one here! Big up Charles!, lmaooooo!
Afta mi nuh owe de lauence oonuh chat to mi back nuh dog can cow mi dung no tiga nuh cat Charles aldoe Nigeria, and all ah Africa obeah bad tell yuh fren dem doe try tess me caw mi wi mek oonuh mad Yes Charles yuh fen dem Toy, Kia and de one Queenie too de cow whey wear jacket an tie aguh buck oonuh till oonu tun black an blue! Yes fi choo ah de laurence aguh sen him ah cyaan wait fi him mek snake kill de one Pinky shim Mi pradna money Pinky run whey wid… Read more »
But it look like Charles fren dem Kia, Toy an Queenie nuh have nutten fi worry bout cause seet deh Obara,D Laurence money run out! Dem mussi neva owe D Laurence needa, lol
Yazzy a fi yuh madnis cause dis, yuh si wha happen when yuh follow mad people, lol, mi inna.mi bed good good an a tink bout wha mek mi nuh owe D. Laurence. Obara as dem woulda seh yuh poem sell off!
LMFAOOOOOOOOOOOOO!!!!!!
Mawnin mi babygirl Obara! Mawnin alll a mi sweeties! Mi de come ooooo!!!
Mi a get ready fi di wukmentz [no pun intended] den mi come back come dash out!
Large up Jamaica oooooo!! Afta wi nuh owe de Laurence! 😀