Cami, I can honestly say that I truly love you. I love your brutal honesty and although you would want people to believe that you are a meany who can be crotchety at times, I know better. You are kind, sweet, caring, fun loving, smart, cynical (at times, but it adds to your character and charm) soft hearted, well bright in a scholarly way, good human being!
Your education shines through your comments, and also your street smarts, you have common sense cyaan done, maximum. We love you here on ESP, although we have not been seeing you for a while, but we know you are working on yourself as you have told us recently.
I pray this prayer for you that by the power of Ifa Orunmila and my mother Osun, You will live long, and you will have a child, a boy to be your added strength, he will make you proud, you will have prosperity and good health and live over one hundred years, still in your right mind, strong, feisty and opinionated as you are now, ase!!…
Enjoy your day my friend, I know you enjoy my stories and poems, I am tired from the party but I wrote a story/poem for you anyway, please enjoy it and my quirky sense of humor. Nuff Love and respect my dear, Love and light!
Cami, Miss Muffet and De Spider shim!
Cami was having breakfast one day when little miss Muffett sat down with her curds and whey
Cami was frightened by this uninvited guess, and asked “is wha yuh waan from me today? “Nutten” said Muffet,
In a sly way
“mi come caws mi hear sey is yuh birthday”
Cami did not trust Miss Muffet
She had heard the report of her running away from her tuffet
after the spider frightened her away
Muffet was a trouble maker and when Cami heard, all she could think on that day, was a mocking “ah bay!
Muffett and Cami had some falling out years ago over ah backle ah dragon stout
and even though they had straightened it out
it was one quarrel Cami never forgot about
the story goes like this
Muffet short and dem call har lickle miss
She well bad and love give people dis
har mout sharp and she even talk wid ah lisp
She craven, but sneaking wid it
so plenty people tink she nice,
dem nuh know sey she ah bitch
de day it appen Cami deh ah de bar
She an har spider bredrin did ah spar
de sun did bright, and de vibes just right
Cami call fi ah round ah drinks, while she watch two drunkard ah fight
de Spider laugh and Cami tuh
when drunka reddy Freddy call de next drunkard butu
Hexcitement and laughter tek de place
when de two man dem stop fight and start to race
Cami holla out “dem man yah mad!
de spider holla out “mad like shad!
de people dem start fi laugh and shout
Cami call out fi anedda dragon Stout
de bartender quickly bring it gi har
but Miss Muffet was also sitting ah de bar
she bex how anuh she an Cami ah spar
so she plan fi mek ah war
de showing off wid de two ah dem gone too far
de spider know wha did a gawn
him did know Muffet and how she tan from she bawn
him pretend like him nuh si har dis ole wicked gal, whey heart black like tar
Cami busy ah laugh, de joke dem sweet har
Muffet mean sey she ah guh mash up de spider dolly house
Cami cyan ah spen suh much money, and Muffett poor like church mouse
suh she guh over to Cami an strike ah pose
“Cami mi fren” she sey “whey my drinks deh?
De spider jump up and sey “Dutty gal Muffet mek yuh nuh gwey!
Cami hold up har hand an gi Muffet de stout
but de spider, hignorant jump up and box it out
Muffet tempa git up and she stawt to shake
Cami look pon dem and sey oonh nuh badda wid de earthquake
Muffet holla out, “but Cami dis bwoy yah ah gwan like him bad”
Cami look pon Muffet an sey, “No Muffet ah you mad!
“You si me an mi fren deh yah ah spar
and yuh come pose up like yuh looking ah war
yuh memba how yuh tell ah wicked lie pon him
spread it all bout sey him ah one shim!
“Bout yuh eating yuh curds an whey
an how him wear frock an lipstick come siddung sida ah yuh’and fritten yuh away”
Muffet sey “Annuh lie mi ah tell, him was in full drag”
De spider bawl out, “Ah lie nasty gal Muffet, afta mi anuh fag!
Well School children in England have it as Nursery rhyme
Muffet yuh fi gawn betta man, yuh wicked, evil and bad mind!
Muffet shout out to Cami, “Like yuh mumma”
den tun roun an gi Cami de finga
Cami tek up de Dragon Stout backle and beat har wid de liquor
Cami beat har, she beat har, she all bruk har finga
Cami warn har Mufftet yuh si dah beating yah wha yuh get is one whey yuh will neva figet
a wussa smaddy dan yuh, I neva si yet
spread rumor pon de spider narly kill all him mumma
mek de man narly si him death
when ah you Muffet have de worse bad breath
han ah neva hear nobody scandal you yet
Muffet shame so till, she apologize
Cami heart come down and tell har from now on she must be wise
A trouble mekka she must never be
hor people wi beat har bruk har up to fall E tee
from dat day Cami neva see Muffet
until today she come siddung in front ah har
she feel fi run har, but not yet
“Muffet is what yuh waan from mi today”
Muffet sey, Cami mi just come fi wish yuh ah happy birthday
Same time Spider jump from unda de table
an lick Muffet inna har head wid ah shovel
knock de poor ting out, den him pour all over har a cold dragon stout
an sey tek dat yuh damn lout bout yuh waan point me out
bout mi wear drag, is what yuh hear bout
him look pon Cami an sey guh dress mi fren me and you ah go out!
Cami look dung pon Muffet pon de grung sprawl out
and tink to harself, all because ah licky licky Muffet,si yuh get yuh dragon stout!
Obara Meji is a spiritualist, Ifa-Orisa practitioner, and teacher of metaphysics. Since 2011 she has used her online platform to share her personal experiences to those seeking answers about spirituality. Her teachings will expand into short stories, novels, and public speaking to continue her mission of bringing enlightenment to the world.