De whole ah oonu know how much mi love jamaica, de way mi love Jamaica, mi declare mi self as Jamaican wid out people ask mi. Mi accent stiil strong and mi deh ah farren from saltfish ah shingle roof top!. Happy Birthday Jamaica mi lickle island In de sun!!. Aldoah oonu ah buckle unda de homsexual pressha and ah change up we moral code, tru licky licky and freakines, de island it self is Paradise. Aldoah de politicians dem still a hold dung de poor people and de so call uppa class dem still more racist dan white people, mi love mi Island. Place whey mi grow, inna Kingston 13, buy mi suck suck, drink mi bag juice, eat mi bun and cheese, play mi dandy shandy and base ball. Mi madda use to chiny bump up mi hair, and cane row it, not corn row!, guh dung pon de Waltham, beside Crescent Road, ah Mr. Lewis shop go buy fowl feed, then wid mi oil pan inna han mi go buy oil from dung a Bun dung shop, and from miss Hilda from cross de road mi buy big jill ah peas fi mi madda cook har Sunday dinner. Jamaica mi love Yuh!!!. Happy Birthday!!!
Deprecated: Function bp_core_get_user_domain is deprecated since version 12.0.0! Use bp_members_get_user_url() instead. in /www/embracingspirituality_349/public/wp-includes/functions.php on line 6031
Hey who memba di johnkanoo dem??
Virginnnn….How yuh do? Yuh abroad or in JA?
Dis is Jamaica, my Jamaica, its the land of my birth- …….. Eric Donalsdson.
no sah mainy.. we still under d british coloney suh in wat way can we be independent…. to gain independence is to stand on ur own or to move from under d ruling of some one or something hence we not in no form a way mi dear… dem cant fool mi…lol
Mi sey dat to enuh GG, but in some ways wi independent man…..wi nuh quite reach enuh, but wi near there
Cawz Jamaica nuh independent a rass…. why wud we have a General Governor who still reports to the Queen
Why yuh nuh believe inna it GG?
Obara Meji…. wat a gwan
GG………GOODAZZZZZZZZ!!!!
I PERSONALLY DONT BELIEVE IN INDEPENDENCE DAY…..JUST BULLOCKS
Lol….those were the days…..the good old days
wi did bad doe enuh…..Tink ah likkle time mi hop truck on mi way home from school an drap pon mi batty cawsen sey mi nuh noe how fi bail off prappaly
All goh ova gully pon bicycle wen veekle ah come an mi nuh hab nuhwhey else fi goh an bicycle skid wen mi ah try draw brakes…..Ef fimi mumma eba noe
I loved doing pumpee on de swing son!, standing up an pump fi si how high we could go!
asham, ginger bun, bustamantee!
Brap! Brap!!!!!!! ah cane row mi noe tuh, not ah corn row
Maas Joe shap goh buy big gill ah kokanut aiyle, 1/4 bread, kersin aiyle an dem ting deh…..