AFTA MI NUH OWE DE LAURENCE-A POEM BY OBARA MEJI

Latest Blogs

How to Protect Yourself From Negative Energies (And Spiritual Attacks)

Negative energies are forces or spirits, if you will, which humans encounter everyday. They exist everywhere in "invisible" forms, in places such as hospitals,...

QUIZ: If You Spot These Animals, What Do They Mean Spiritually?

All animals are messengers. They all have their specific spiritual messages that they carry to the human in ways of warning or good news....

The Grim Reality of Spiritual Growth and What Happens

Good day everyone, Most humans are not aware that the whole human body operates off of what is called Vibration and Frequency. Of course, the...

The New Earth and Why it’s Happening (+ A Tip for 5G Protection)

This morning, I awoke to a lot of texts and emails, wishing me a happy birthday. Babalawos and some of whom I have initiated...

10 Illnesses That Are NOT Real (And How to Spiritually Diagnose Them)

This post is not intended to discount science or any diagnosis given to patients by medical experts. It would be irresponsible for me to...

download (10)

Yazzy, ah yuh mek mi do dem mad tings here enuh, ah yuh!! aldoe mi madda use to sey de same ting tuh,but yuh comment mek mi memba. Any way people, here I am with my poem in Jamaican dialect (patois). Is Yazzy mek ah dweet!

Please bloggers, make up your own poem but it has to include”Afta mi nuh owe de laurence” and let us enjoy today!

 

 

Mine yuh fling yuh duttie wata an mek it ketch mi

From wha day yah mi notice sey yuh waan tek set pon mi

choo ah tenement yawd we live inna yuh tink yuh can beat mi?

tink agen Puncie, afta mi nuh owe de laurence!

nuh  duppy nah falla back ah mi!

 

Pinky run whey wid mi pardna draw and all nung we cyaan fine him

sumaddy pinch mi tell mi sey Pinky tun into ah proppa shim

de mount ah dress and frock mi hear him buy wid eeh

all rouge, slip, brazzaire and panty

Pinky wicked ei nuh man, all teef from Cami

teeff my money, no man!, my money Pinky?

but wait man, wait, ah deh look fi him

tell God sey Pinky cyaan get whey wid eeh

Afta mi nuh owe de laurence!

Pinky, ah gwine beat yuh ei si!!

my money Pinky? Pinky yuh cyann romp wid mi!

 

Ty send some sweet soap come from farrin, sen geet to mi

Hilda Willis niece Janet bright an guh teef out eeh

daah deh gal deh neva bade from she come live roun we

Miss Ruth see de teefings and run come pinch mi tell mi

ah gwine pop har rass, and sen har uppa U-C (de hospital)

tink ah chat mi ah chat?

Afta mi nuh owe de Laurence!

Miss Will gwine bawl fi she!

 

Afta mi nuh owe de laurence, mi nuh owe him, mi an him neva hab nuh plan

nuh rain nah come wash whey mi room, nor flood whey mi lan

No fire nah bun mi out, nor dranco drive whey mi van

de laurence nuh hab nuh secret fi mi, nor nuh odda obeah man

de man whey me hab ah fi mi own, mi neva tek him from no one

tek oonuh mout offa mi, from mi bawn mi neva visit obeah man!!

 

Puncie mine how yuh ah talk ei nuh, yuh mout too saucy

Yuh come een like yuh know bout, Puncie yuh hab secret fi mi?

Clear out gal, mine ah pawn singting lick yuh dung

alright galang chat, yuh bed soon tun stone grung!

 

Oonu tek mi simple and tek mi fi fool!

oonuh mek ah sad mistake, caws ah oonuh fool fool

Mi nuh owe de laurence, caws mi pay him in full

fi box dung yuh rass an haul an pull yuh like mule

 

Yes, yes, yes, mek ah beat up mi chess

Mi nuh owe obeah man, dem local one yah weak dem nuh strong

mi wuk hard and sen off mi money to de bess

L.W. de Laurence, no bwoy can tess!

 

L.W. de Laurence, mi nuh owe him fi true

mi pay him mi hard earn money, fi box yuh till yuh blue

ah me mek de teefing bwoy from back road cyaan stop sey “MOO!

him teef mi cow Blosoom, den look pon mi de next mawnin an tell mi howdy do!

 

De laurence really come choo

ah sen mi money gi him, han from dat de bwoy deh Moo

it sweet mi, it sweet mi it, sweet mi so tell

a mi pay de laurence fi him run whey Muriel

bout she want eggs up har self to mi Trevor

she rub up har self pon him, an me fi tek dat?, no sah!

whey she did deh when him nay hab een no teet

de one dem inna him mout, ah me pay fi it

Bright she bright an outta orda too

mi nuh owe de laurence mi pay him, ah de choot

 

Big man gone ah prison choo him box mi bwoy

mi wuk mi money send off,

de laurence is no toy

oonu memba how de police hold big man an box him de day

de laurence mek ah enjoy mi money when ah see dem haul him away

yes man, mi nuh owe de laurence, mi pay mi money all de while

oonuh galang chat up oonuh mout, oonuh tink  money cyaan spoil?!!

 

oonuh hear people sey afta mi nuh owe de laurence all de while

yuh fenneh if yuh owe him, but when pay him, yuh wi smile!

Like Yazzy granny Faye whey always ah bawl out

Afta mi nuh owe de laurence!, mi pinch mi self an smile

caws Yazzy, yuh granny know bout

she patronize de laurence all de while!

 

She borrow mi money an send guh gi de laurence fi pop dung Suzie shop

yuh tink ah just so Suzie lose har business Yazzy?, ah yuh granny do dat!

de laurence, de laurence, de laurence yuh bad nuh brute foot

Papa de Laurence, mi sen off again fi yuh gi Gerti Gut!

Nyam tuh much!

 

Arlene, Pearlene and Meggy soon

mi gi dem dinna and dem teef whey de whole ah mi spoon

mi ah do ova time ah work Pappa Larry fi mek up de money sen to yuh

de one Nunu nyam off de mutton an show off pon mi wid it tuh

soon soon de laurance ah gwine mek yuh tek care ah she

Obeah dem all yes, mi nah ramp wid dem ah inch

de Laurence mi daddy, nuh tek money fi obeah mi enuh

memba me an you ah fren!

not you an dem!

 

ALL AND EVERYTHING POSTED/WRITTEN HERE ON THIS BLOG SITE IS COPYRIGHTED!!

OONUH DOAN ROMP WID ME, AH AVE MI LEGAL TEAM AND DE LAURENCE!

 

Afta mi nuh owe de Laurence…..Jamaican Proverb

(I am not involved with obeah doings)

All religions are valid as long as it teaches peace and love….ObaraMeji

There are no disappointments in life, only lessons learned…..Obara Meji

 

45 COMMENTS

45
Leave a Comment

avatar
32 Comment threads
13 Thread replies
0 Followers
 
Most reacted comment
Hottest comment thread
8 Comment authors
Yazzytoy7318ManiacSeaQueencharles206 Recent comment authors

This site uses Akismet to reduce spam. Learn how your comment data is processed.

  Subscribe  
Notify me of
Yazzy
Blogger
Yazzy
Blogger

Di nex smaddy mi a look fi war A da big ooman deh weh drive di ole car She try mi granny Faye one long loooong time Fi she mi wi gi De Laurence all a mi dime She tink a shit dats why she bizniz tink a road Di streets a chat seh pan she chess di white farin man a tek a load Nassy mout and nassy chess Suzie a really me ya try war??? Yuh need fi tek a load affa yuh chess and guh buy a new car! Big ooman Lila u a drive Ladda?? No… Read more »

NuNu
Blogger

This was fun lolol, Thank you Obara fi start the ball a rolling! An thanks to Yazzy fi seh, “afta mi nuh owe D Laurence”. Di poem nice cyaan done!

NuNu
Blogger

Lawd Gawd Yazzy! Mi neva wan’ fi seh di name but gyal yuh right a nassy skettel Linda fi blame! Di same one weh yuh an Ty ketch an beat! Mi hear seh unda she smell like rotten meat! Mi wi help yuh move di mattrass an bun di sheet Ty can bring ‘Bitch’ an watch out fi yuh Cause a one pieca beaten an limb up Linda deh get tuh Mi wi ask Toy fi drive di get away car Causen when dis yah done wi haffi lay low wi cyaan par But den wi can mek up an… Read more »

Yazzy
Blogger

Mi dis get fi read ooooo!! OBARA yuh ting a shat wehhh!! Wukmentz tun up unda mi kakerclaartz! Mi dis leff!!! Nunu babygirl yuh renkin mutton stew is are di henvy of di town!!! Raeeeeee! Cami sweetie have a blast in the arms of the one ya love!! Den drag yuh goodaz badi home! Hear ya nung!! But a wah dis fadda?? AFTA MI NUH OWE DE. LAURENCE!! By Yazzy!!!!!! Mi dash all sorta Obeah pan di gyal! ’bout she a falla kartel and a **ride pan di *****cy lakka bicycle!** a bet afta De Laurence done wid IT she… Read more »

NuNu
Blogger

Lawd mi feel like Docta Seuss lol

NuNu
Blogger

Mi seh mi nuh like chat nuff ie nuh but mi haffi pap dah torey yah,cause mi hear seh a suh it guh Suh mek mi whispa an tell you Mi hear seh di res’ a ES Crew nah come chue Causen di whole a dem owe D Laurence too Di one Yazzy she, did try guh D Laurence fi me! Afta mi tell har seh shi can tek back Mad Milk cause now him free (Yazzy mi an yuh a fren man lawd mah, a likkle joke mi a mek) Kia ketch uppa Prisoner yawd an wid di bullfrog,… Read more »

Toy
Member

Good day Obara and family!

Toy
Member

Mi get a call from this gyal name Gela
tell mi bout gyal teef har money
she sey gyal buy new car wid har money
she sey di gyal that teef har money don’t have one but two man a flip har money.

Gela wan know if mi cyann believe that
Mi sey afta mi nuh owe De Laurence not dime, nor penny…..

Maniac
Blogger
Maniac

No sah! I deh read an ah laaf; caw chuss mi, Nunu an Obara is one set ah mad rawse!!!

Oonu is too much. Dwl

NuNu
Blogger

Yuh know seh dat one earz nyammy is a dutty rass! Mi cyaan tek di ole liad, him love fi faas A him fuss get plate full a di mutton if mi eva did know him woulda neva get nutten Achoo him love excitement him run guh tell drunkin’ Fred An know seh carry news coulda get mi ded All di Fred him wah Nyaamy cyaa come Tan a di pawty an drink out di rum Talking bout Myrkle a nuh ongle cluck shi cluck When mi si wha happen mi frighten nuh [email protected] ( lololol,ask pardon) Mi tek mi… Read more »

SeaQueen
Blogger
SeaQueen

Good afternoon my dears! Look like obara and nuns tun dj pon we inna di satdeh! I would love to hear this poem in spoken word, we haffi set it up and put it pon uchube lol. Unnu ah gwan!

NuNu
Blogger

Lawd have mercy pon mi soul! Mek mi guh tun mi roll unoo know seh a dutty Go-go Slim Mek mi get ketch up inna dis D Laurence ting But it look like seh mi owe D Laurence afta all Jeezam Peez fretration a mek mi bawl Mi neva know seh pieca di Chrismus money Slim gi mi, a di Chiney man shi get ie fram Shi seh afta hours him like get push inna baby pram(paraphilic infantilism) Mi did frighten when shi show mi di heapa money( apparently infantilism pays well, wid Obara promise money lol) Shi gi ni… Read more »

charles206
Blogger

Good afternoon Teach and all ES CREWS. Teach what is Afta? I dont know how to compose the poem.

NuNu
Blogger

Arite nuh badda bring Delroy inna dis Cause yuh know when him stawt sing not one note aguh miss but sake a yuh, him cyaan get fi res’ him chraot a it mek mi an him fallout chue yuh nuh owe D Laurence him always haffi git up deh roam bout Yuh know seh dats why Meggy misn di leg shi owe D Laurence an haffi deh walk pon peg Mek mi tap chat yah mi nuh able fi yuh, Since di pawdna teef an di torey leak Mi nuh have nutten fi pay D Laurence dis week Mi nuh… Read more »

Cami
Member
Cami

NuNu! yu a fling lyrics! lololol…next week or inna the week me review all that me miss, but you reach back a yu yaard so you back to yu elements…good, lol

NuNu
Blogger

Lolol Obara mi nuh bad lika yuh backa di poem business but mi try, mi juh reach fi yuh an Yazzy level a madniss yet

NuNu
Blogger

Mi nyam di mutton yes
And it did sweet ie si!
Suh nuh badda tink yuh can tek badmine and carry feelings fi mi
Afta mi nuh owe D Laurence!
Mi nah secret wid ie
Di duppy get him plate an a glass a sarrel
But anyways mi want hear more bout Pinky and Cami teef barrel,
Til D Laurence money reach
di blood a Jeezas pon Pinky bleach!
A dat yuh fi talk to D Laurence bout
Cause him need more dan bax inna him mout
But mi nah faas inna no baddi businiz
A nuh duppy mi fraida
Caws me done know mi nuh owe D. Laurence needa!

NuNu
Blogger

Yazzy a fi yuh madnis cause dis, yuh si wha happen when yuh follow mad people, lol, mi inna.mi bed good good an a tink bout wha mek mi nuh owe D. Laurence. Obara as dem woulda seh yuh poem sell off!

Yazzy
Blogger

LMFAOOOOOOOOOOOOO!!!!!!

Mawnin mi babygirl Obara! Mawnin alll a mi sweeties! Mi de come ooooo!!!

Mi a get ready fi di wukmentz [no pun intended] den mi come back come dash out!

Large up Jamaica oooooo!! Afta wi nuh owe de Laurence! 😀

Hot Topics

L.W. DE LAURENCE – READ WITHOUT FEAR!

I remember as a child growing up in Jamaica being sent home from school early one day because the coffin with the 4...

DO NOT PRACTICE EVIL!!!

By and through the law of realization, inspiration is awakened and established.  Again by and through the exercise of the powers of auto-suggestion, self...

Related Articles

THE POWER OF THOUGHTS – FROM L. W. De Laurence

I made this post some time ago and I believe it is worthy of re-posting, please read, learn and enjoy. Control your thoughts and you...

L.W.de LAURENCE READ WITHOUT FEAR! -THE UPDATED VERSION

I remember as a child growing up in Jamaica being sent home from school early one day because the coffin with the 4 dranco...